Երեւանի Մալաթիա-Սեբաստիա համայնքում այսօր՝ դեկտեմբերի 6-ին, միջադեպ է գրանցվել 7/22 ընտրատեղամասում. ՀԱԿ-ի վստահված անձը՝ Ալվինա Սարգսյանը, կեսօրին մոտ հեռացել է: Հանձնաժողովի ՀԱԿ անդամ Կարինե Հարությունյանը NEWS.am-ի հետ զրույցում ասաց, որ վստահված անձի նկատմամբ ճնշումնր են եղել, ինչի պատճառով էլ նա հեռացել է:
«Ես առավոտյան 06:30-ից ընտրատեղամասում եմ, նույն ժամից էլ Ալվինան է այստեղ եղել, ամբողջ օրը այստեղ պիտի լինենք, բայց 11:50-ին Ալվինան մոտեցավ ինձ եւ ասաց, որ ինչ-որ մարդիկ տուն են զանգել եւ սպառնացել են, որ եթե ինքը ընտրատեղամասից չհեռանա՝ աշխատանքից կազատեն: Քանի որ դա Ալվինայի որոշումն էր, ես ասացի՝ կարող ես գնալ»,-ասաց Կարինե Հարությունյանը՝ նշելով, որ դրանից անմիջապես հետո Ալվինան հեռացել է:
Комментариев нет:
Отправить комментарий