Շիրակի մարզպետն ու Գյումրու քաղաքապետը մասնակցել են հանրաքվեին

Գյումրու թիվ 2 դպրոցում գտնվող 35/27 տեղամասն ունի 1217 ընտրող: Հանրաքվեի ընթացքին հետևում են միջազգային ու հայաստանյան կազմակերպությունների ներկայացուցիչներ, դիտորդներ: 

Այս տեղամասն ունի նաև շրջիկ քվեատուփ: Մի քանի մետր հեռավորությամբ գտնվող Գյումրի բժշկական կենտրոնի հիվանդներն են այս տարբերակով հանրաքվեին մասնակցելու:

Ուղիղ ժամը 11:00-ին տեղամաս եկավ Շիրակի մարզպետը: Ֆելիքս Ցոլակյանն ասաց` հոգնած է, բայց տրամադրության վրա չի ազդել:

Մարզպետը հորդորեց ուշադիր լինել` ոչ մի խախտում: Իսկ վերջում փոքրիկ պատմություն հիշեց: 

Իսկ Գյումրու քաղաքապետը հանրաքվեին մասնակցեց 35/37 տեղամասում: Այս անգամ մենակ էր` առանց թոռնիկի: 

35/37 տեղամասն ունի 1365 ընտրող, հանձնաժողովականներն ու դիտորդներն էլ տեղում են:



Աղբյուր՝tsayg.am