Մեր օրերում ռեստորան հաճախելով ոչ մեկի չես զարմացնի: Յուրաքանչյուր ռեստորան ունի իր ուրույն խոհանոցը, հետաքրքիր ինտերիերը և այլն: Մարդիկ սովորաբար ռեստորաններ հաճախում են տարբեր նպատակներով՝ գործնական, անձնական, տոնակատարություններ և այլն: Սակայն այն ռեստորանը, որի մասին այսօր խոսելու ենք, կարող ենք անվանել ամենաօրիգինալն աշխարհում: Այն կոչվում է «Dinner in the Sky» («Ընթրիք երկնքում): Այս հաստատությունը փայլում է, ոչ թե իր խոհանոցով կամ ինտերիերով, այլ նրանով, որ հյուրերը իրենց ոտքերի տակ հատակի փոխարեն տեսնում են հողը՝ այն էլ ահռելի բարձրությունից:
Այս հաստատությունն իրենից ներկայացնում օվալաձև մեկ սեղան և նրա կողքերով տեղադրված աթոռներ: Այն ունի 9 մետր երկարություն, այս հրաշքը կշռում է մոտ 7 տոննա: Այստեղ հանգիստ կարող են տեղավորվել 22 հյուրեր, ինչպես նաև մեկ խոհարար և մեկ մատուցող: Ռեստորանն էլ գետնից 50 մետր բարձրության վրա է հասցնում հսկայական կռունկը: Առաջին անգամ այստեղ գալով հաճախորդները դժվար թե կարողանան նկարագրել, թե ինչպիսի ճաշատեսակ են համտեսել, կամ ինչպիսի գինի են ըմպել: Քանի որ նրանց ուշադրության կենտրոնում կլինի այն էմոցիաները, որոնք ստացել են գետնից բարձրանալու ժամանակում: Իսկ կարծիքներն այս ռեստորանի մասին հակասական են, ոման ասում են, որ այստեղ ամենահիասքանչ վայրն է, իսկ ոմանք էլ նշում են, որ իրենց կյանքում այսպիսի վատ ռեստորան չեն հաճախել (ելնելով վախից):
Չնայած այս ամենի, այն շատ թանկարժեք է և ոչ բոլորը կարող են իրենց թույլատրել նման ճոխություն: «Dinner in the Sky» ռեստորանն ավելի հայտնի է մեծ ընկերությունների շրջանում՝ Peugeot, BMW, Samsung, Hugo Boss և այլն:
Այս ռեստորանը նաև ունի մի քանի այլ հնարավորություններ՝ սպորտային հանդիպումների դիտումներ, պոկեր, ինչպես նաև երաժշտություն երկնքում:
Այս հաստատության ղեկավարները երաշխավորում են ձեր անվտանգությունը և ամեն անգամ վերև բարձրանալուց առաջ ստուգում ամեն ինչ՝ առավել մանրամասնությամբ:
Բելգիայի թագավորությունում գտնվող այս յուրօրինակ ռեստորանը նաև ունի իր սեփական կայքը, որտեղ կարող եք գտնել բոլոր մանրամասները:
«Dinner in the Sky» - www.dinnerinthesky.com
«Dinner in the Sky» - www.dinnerinthesky.com
